越★潮☆越In

07年game壇，任天堂手提機NDS熱捲全城，周街都見到人篤篤篤；另一邊廂，對手Sony PSP除勁game《Monster Hunter 2》擸一收視外，佳作遲遲未發市。
新版PSP自7月美國E3展曝光後，當時震撼全球。本週呢部比Original版更輕更薄新版PSP終於空降本港，首次以真身於亞洲露面，反擊終於開始。
新版改良重量同厚度，4.3吋16:9螢幕不變，同時加入能直駁電視打機、睇戲功能。而明年開始，PSP於歐洲等地更會逐漸啟動新功能，PSP將會變成視像電話、手提電視、GPS全球定位系統等等，佢能取代好多AV產品，話佢係AV界狂徒，絕不為過。